მდინარე ჭივჭავის ხეობაში, სოფელ ფშაველის მახლობლად, შემორჩენილია ადრინდელი შუა საუკუნეების ხუროთმოძღვრული ანსამბლი, რომელსაც ადგილობრივი მოსახლეობა ,,კოხტა ღვთისმშობელს~ უწოდებს. ანსამბლში შედის გალავანი, ღვთისმშობლის სახლზე აგებული ეკლესია, შედარებით მომცრო მეორე ეკლესია, სასახლისა და სამეურნეო დანიშნულების ნაგებობათა ნანგრევები. 
ღვთისმშობლის ეკლესია რთული კონსტრუქციის ნაგებობაა. მისი თავდაპირველი გეგმა, სავარაუდოდ, დარბაზული უნდა ყოფილიყო. შემდგომი მინაშენების შედეგად კონსტრუქცია თანდათან გართულდა. ამჟამად ნაგებობა თავისი ტიპით სამეკლესიან ბაზილიკას უახლოვდება. კუთხეების, კამარების, თაღებისა და კაპიტელების გამოსაყვანად გამოყენებულია შირიმის ქვის კარგად გათლილი კვადრები. აღსანიშნავია, რომ ანსამბლისთვის ადგილი დიდი გემოვნებით არის შერჩეული თელავიდან ფშაველამდე 35 კილომეტრია.