სოფლის მიდამოებში, მდინარე ვანთის ხევთან დგას 855 წელს მამა-დავითის სახელზე აშენებული მასიური სამნავიანი ბაზილიკა, სადაც ფუნქციონირებდა მონასტერი დავით-გარეჯა.ეკლესიის აღმოსავლეთ ფასადზე ჩანს ლაპიდარული წარწერები. 

სამონასტრო კომპლექსიდან შემორჩენილია აგრეთვე IX საუკუნეში აგებული გალავანი და ასევე IX საუკუნეში აშენებული მარანი.

ამჟამად მიმდინარეობს ძეგლის რესტავრაცია, რომელსაც კულტურული მემკვიდრეობის დაცვის ეროვნული სააგენტო ანხორციელებს.ეკლესიიდან ოდნავ მოშორებით, სამხრეთის მხარეს ჩანს მცირე ნაეკლესიარი. შენობიდან შემორჩენილია მხოლოდ აბსიდის ფრაგმენტი.

თელავიდან სოფელ აკურამდე 13 კილომეტრია.